Türkiyə Xarici İşlər naziri Mövlud Çavuşoğlu İraq Kürd Regional Rəhbərliyinin rəhbəri Necirvan Bərzani ilə Davosda görüşüb.

Axar.az xəbər verir ki, mətbuata qapalı keçən görüşdə Çavuşoğlu ABŞ-İran gərginliyi fonunda Türkiyənin İraqla həmrəy olduğunu, böhranın həlli üçün aktiv səy göstərdiyini bildirib.

Türk nazir İraqdakı bütün etnik birliklərin (şiə, sünni, kürd, ərəb və türkman) ölkənin birliyi və gələcəyi üçün çalışmasının vacibliyini qeyd edib:

“İraq kürd muxtariyyəti ilə əlaqələrin inkişafını davam etdirəcəyik”.