ABŞ prezidenti Barak Obamanın Krımda 3-cü dünya müharibəsinə başlayacağı barədə proqnozlar hələ 7 il bundan əvvəl verilmişdi.

ANS press-in məlumatına görə, 2008-ci ildə Ukraynada təhlükəsizliklə bağlı "dəyirmi masa" keçirilmişdi. Həmin toplantıda rusiyalı politoloq Andrey Okara bildirmişdi ki, yeni ABŞ prezidenti Barak Obamanın hakimiyyəti dövründə Krımda silahlı münaqişənin ssenarisi həyata keçiriləcək: "Bu Amerika ssenarisidir və Obama hakimiyyətə gələrsə müharibənin baş vermə ehtimalı Con Makkeynin prezident olacağı təqdirdə baş verməsindən daha yüksəkdir".

Onun sözlərinə görə, bu, Obamanın komandasını təmsil edəcək insanların adları elan edildikdən sonra məlum olub: "Bu şəxslərin daimi məskunlaşdığı yer Uol Stritdir. Onlar "idarə edilən xaos" adlanan texnologiya sahəsində peşəkar fəaliyyət göstərirlər".

Okara qeyd etmişdi ki, Gürcüstandan sonra "idarə edilən xaos" nəzəriyyəsinin zonası qismində məhz Ukrayna, dəqiq desək Krım olacaq.