"Rəsmi Kiyevin NATO və ya Rusiya əleyhinə olan hər hansı bir hərbi blokda iştirakı qəbul edilə bilməz".

Axar.az xəbər verir ki, bu sözlər qondarma Donetsk və Luqansk Xalq respublikalarının Minsk razılaşması üzrə rəsmi nümayəndəsi Denis Puşilin və Vladislav Deyneqonun birgə yaydığı bəyanatda yer alıb. Bəyanatda Ukraynanın NATO-ya qoşulmasının yolverilməz olduğu bildirilib:

"Donetsk və Luqansk rəhbərlikləri Ukraynanın tərəfsizlik statusunun qorunmasını təmin edəcək. Rəsmi Kiyevin NATO və ya Rusiya əleyhinə olan hər hansı bir hərbi blokda iştirakı qəbul edilə bilməz. Əgər bu baş versə, Kiyev ilə bütün əlaqələri dayandırıb, Minsk razılaşmasını etibarsız sayacağıq".