Rusiya prezidentinin xarici əlaqələr üzrə məsləhətçisi Yuri Uşakov Kiyev hökumətini və separatçıları atəşkəsə əməl etməyə çağırıb.

Axar.az xəbər verir ki, jurnalistlərə açıqlama verən Uşakov Ukraynada vəziyyətin kökündən dəyişdiyini bildirib:

"12 fevralda qəbul edilən Minsk razılaşmasının bütün maddələrinin reallaşacağına inanırıq. Hazırda Minsk anlaşmasının ikinci maddəsinin həyata keçirilməsinə start verilib. Təhlükəsiz bölgənin yaradılması üçün hər iki tərəf silahları geri çəkməlidir. Bu önəmli maddədir. Biz digər maddələrin də yerinə yetiriləcəyinə inanırıq".

Kreml rəsmisi yaxın günlərdə "Normandiya dördlüyü" liderləri arasında telefon danışığı olacağını açıqlayıb. Lakin o, Ukrayna mövzusunda liderlərin yenidən görüşünü istisna edib.