Ana səhifə Planet |
Türkiyə sürücünün qətlə yetirdiyi 20 yaşlı tələbə qız Özgəcan Aslandan danışır. Ölkənin hər yerində bu tükürpədici hadisə ilə bağlı etirazlar baş qaldırıb, iqtidar mənsubları isə onlara yönələn tənqidlərə cavab verməkdədir. Qətli törədən sürücü Süphi Altındöken artıq həbs olunsa da, edam təklifi səslədirənlər var.
Axar.az xəbər verir ki, Mersin şəhər Sürücülər Birliyinin rəhbəri Veysəl Sarı qatilin onların üzvü olmadığını açıqlayıb. Öldürülən qızın atası Mehmet Aslan edam cəzasının bərpası təklifinin çıxış yolu olmadığını qeyd edib. M.Aslan Prezident Ərdoğanın ona zəng edərək başsağlığı verdiyini söyləyib.
Anası Songül Aslan isə cinayəti törədənlərin edam olunmasını istəyib. Türkiyədə tələbə qızın qətlə yetirilməsində şübhəlilərə məhkəmə hökmü oxunub.
Altındöken "vəhşiliklə insan öldürmə", ona kömək etmiş atası Nəcməddin Altındöken ilə dostu Fatih Gökçe isə "cinayət ortaqlığı və yardım etmək" maddələri ilə məhkəməyə cəlb olunub.
Mersin şəhərinin polisi Aslanın yanmış cəsədini çay qırağında aşkar edib. Tələbə qız onu zorlamağa cəhd edən avtobus sürücüsünə müqavimət göstərib. Aslanın zorlanaraq öldürülməsinin ardınca sosial şəbəkələrdə yaradılmış #səndəanlat həştəqinə azərbaycanlı sosial şəbəkə istifadəçiləri də qoşulub.
Qadınların həyatları boyunca özlərinə qarşı təcavüz hallarını paylaşdığı bu həştəq diqqəti Azərbaycanda məişət zorakılığına yönəldib. Onu da deyək ki, qətli törədənlərin qan donduran etirafları yayılıb.
Axar.az onların ifadələrini təqdim edir:
Tarix
2015.02.17 / 01:25
|
Müəllif
Emin Aslanlı
|