2020.01.22 - 23:36

Türkiyənin Manisa şəhərinin Yunus Əmrə ərazisində güclü zəlzələ baş verib.

Axar.az xəbər verir ki, 4.1 bal gücündə baş verən zəlzələ İzmir şəhərində də hiss olunub.

Zəlzələnin yerin təxminən 14.5 kilometr dərinliyində qeydə alındığı vurğulanıb. Hər hansı tələfat barədə məlumat verilməyib.

***

Manisanın Akhisar rayonunda Rixter cədvəli ilə 5.4 bal gücündə daha bir zəlzələ baş verib.

Bu barədə Türkiyənin Fövqəladə Halların İdarə Olunması Agentliyi məlumat yayıb.

Yeraltı təkan yerli vaxtla saat 22.22-də qeydə alınıb.

Təkan ətraf bölgələrdə, o cümlədən İstanbul və Bursada hiss olunub. Əhali zəlzələni böyük təlaşla qarşılayıb.

Hələlik dağıntı və tələfat barədə məlumat yoxdur.