Türkiyə Prezidenti Rəcəb Tayyib Ərdoğan və Kanada Baş naziri Castin Trudo telefon danışığı zamanı Yaxın Şərqdəki siyasi vəziyyəti və İranda vurulan Ukrayna təyyarəsi ilə bağlı aparılan araşdırmaların gedişatını müzakirə ediblər.

Axar.az xəbər verir ki, bu barədə Kanada baş nazirinin mətbuat xidməti məlumat yayıb.

“Baş nazir təyyarə faciəsi ilə əlaqədar Türkiyənin yardımı, o cümlədən fəlakət qurbanlarının ailələrinin qardaş ölkə ərazisindən keçidi üçün (İrana) yaratdığı imkana görə Prezidentə (Ərdoğan) təşəkkür edib”, - deyə məlumatda bildirilib.

Liderlər həmçinin faciə ilə bağlı araşdırmaların əhatəli, şəffaf və inamlı şəkildə aparılmasının vacibliyini qeyd ediblər.