Ana səhifə Planet |
Luqansk vilayətində qondarma Luqansk Xalq Respublikasının (LXR) separatçı dəstələri ilə kazaklar arasında benzin müharibəsi başlayıb.
Axar.az xəbər verir ki, bu barədə ukraynalı hərbi ekspert Dmitri Tımçuk özünün Feysbuk səhifəsində yazıb.
Ekspertin sözlərinə görə, LXR-in nəzarət etdiyi ərazilərdə separatçılarla kazak birləşmələri arasında benzin satışı üstündə gərginlik yaranıb.
"Luqansk vilayətinin cənubundakı yanacaqdoldurma stansiyalarının 80 faizinə kazaklar nəzarət edir. Həmin rayona benzin Rusiyadan iki istiqamətdə – silahlı mühafizə ilə müşayiət olunan yük maşınları və qaçaq boru kəməri vasitəsilə gətirilir. LXR rəhbərliyi kazaklardan kəmərlə gətirilən benzini respublikanın ixtiyarına verməyi tələb etsələr də, kazaklar bizneslərini əldən vermək istəmir. Yanvarın sonunda kazakların nəzarət etdiyi iki yanacaqdoldurma məntəqəsi təxribat nəticəsində partladılmışdı", - Tımçuk bildirib.
Tarix
2015.02.17 / 12:43
|
Müəllif
Anar Əhmədov
|