"Ukrayna hökumətinin sosial partlayışa səbəb ola biləcək qeyri-populyar islahatlar keçirməsinə ehtiyac var".

Axar.az xəbər verir ki, bunu Ali Radanın birinci vitse-spikeri Andrey Parubıy söyləyib.

Onun sözlərinə görə, sabit dövlətlərdə belə ağlasığmaz addımları atmaq asan deyil:

"Ukraynalılar və avropalılar "islahatlar lazımdır" deyəndə eyni şeyi nəzərdə tutmurlar. Avropalılar bizim əhali üçün qazın, kommunal xidmətlərin qiymətini qaldırmamızı istəyir. Əgər cəmiyyət söhbətin nədən getdiyini bilsəydi, düşünürəm ki, hər kəs məmnun olmazdı. Bəs bu məsələnin axırı nəyə gətirir? Biz bilirik ki, hətta sabit dövlətlərdə belə ağlasığmaz addımları atmaq o qədər də asan deyil. Müharibə aparan və Putinin böyük imperiyası ilə üz-üzə qalan dövlət iqtisadiyyatın balanslaşdırılması üçün geniş yatırımlar edir. Bu isə çox böyük riskdir".