"ABŞ-ın Ukraynaya silah təqdim etməsi ilə bağlı danışıqlar aktiv şəkildə gedir".

Axar.az xəbər verir ki, bu açıqlama ilə Ukrayna prezidentinin məsləhətçisi Yuri Biryukov çıxış edib.

O, Ukraynanın Müdafiə Nazirliyinin ölkəyə lazım olan silahların siyahısını artıq tərtib edərək Vaşinqtona verdiyini söyləyib:

"Danışıqları Ukraynanın Müdafiə naziri aparır. Biz az öncə ABŞ-a ilkin tələbat mallarının siyahısını göndərmişik. Burada ilk 3 il ərzində 350 milyon dollarlıq silahdan söhbət gedir. Amerikalılar hələlik "yox" demirlər. Onlar sadəcə, Ağ Evdə bununla bağlı heç bir qərar verilmədiyini söyləyirlər".