Qazaxıstanın Astana hava Yolları şirkəti koronavirusla bağlı təhlükələri nəzərə alaraq Urumçi və Pekindən olan bütün turist qruplarını ləğv edib.

Axar.az xəbər verir ki, bu barədə Qazaxıstanın İndustriya və İnfrastruktur İnkişafı Nazirliyinin Mülki Aviasiya Komitəsindən məlumat verilib.

“Bu gün sərnişin daşımalarını Qazaxıstan tərəfdən Astana hava Yolları və SCAT, Çin tərəfdən isə Çin Hava Yolları və “China Southern Airlines” aviaşirkətləri tərəfindən həyata keçirilir. Astana Hava Yolları şirkəti Urumçi və Pekindən olan turist reyslərini ləğv edib. Biletlər cəriməsiz qaytarılacaq”, - məlumatda qeyd olunub.