Yuxarı

Qanun qəbul edildi, əhali küçələrə axışdı - Kütləvi etiraz

Ana səhifə Planet
12 Punto 14 Punto 16 Punto 18 Punto

Monteneqroda iğtişaşlar davam edir. Paytaxt Podqoritsada serb müxalifətinin din azadlığı barədə qəbul edilmiş qanuna qarşı təşkil etdiyi son etirazlar zamanı polislə kütlə arasında qarşıdurma yaşanıb.

Axar.az Azərtac-a istinadən xəbər verir ki, polis gözyaşardıcı qazdan istifadə edib.

Monteneqronun Mədəniyyət naziri Aleksandr Boqdanoviç son açıqlamasında bildirib ki, yeni qanun heç kimə qarşı ünvanlanmayıb. Nazir deyib ki, istənilən dini etiqad sahibi yenə də əvvəlki kimi azad şəkildə ayinləri icra edəcək. Bununla o, serb dindarlarının ayin yerlərinin milliləşdirilərək əllərindən alınacağı iddialarına cavab vermiş olub. Lakin 1918-ci ilədək inşa olunmuş və müvafiq sənədləri olmayan bina və ya əldə edilmiş hər bir dini əşya Monteneqro dövlətinin milli irsi kimi qiymətləndiriləcək.

Prezident Milo Djukanoviç isə öz növbəsində həmkarı, Serbiya Prezidenti Aleksandr Vuçiçlə bu səpkidə problem yaşamadığını, lakin istənilən an dialoqa açıq olduğunu bildirib.

Digər yandan da yeni qanun Serbiyada ciddi narazılıqlara səbəb olub. Rəsmi Belqrad ötən həftədəki açıqlamasında bu məsələyə fikir bildirərək deyib ki, sözügedən qanun iki ölkə arasındakı münasibətlərə xələl gətirə bilər. Serbiyanın Xarici İşlər naziri İvisa Daçiç qonşu ölkənin daxili işlərinə qarışmayacaqlarını, lakin yeni qanunun serb əhaliyə və Serb Pravoslav Kilsəsinə qarşı yönəldiyini inkar etmədiklərini söyləyib. Serbiya hökuməti də məsələnin sülh və dialoq vasitəsilə həllinə tərəfdar olduğunu vurğulayıb.

Qeyd edək ki, sözügedən qanun ötən il dekabrın 27-də qəbul edilib və bu günədək narazılıqlar səngimir. Yeni qanuna əsasən, 1918-ci ilədək qeydə alınmayan dini icmalar və onların əmlakı müvafiq sənədlərin olmaması halında dövlət tərəfindən müsadirə olunaraq milliləşdiriləcək.

Tarix
2020.01.26 / 19:17
Müəllif
Axar.az
Şərhlər
Digər xəbərlər

Bakı-Tiflis əməkdaşlığı yeni sahələri əhatə edəcək

İrəvandan anklavlarla bağlı açıqlama: Sərhəd boyu...

Güneylilər Cenevrədə aksiya keçirdi

Cənubi Qafqazda “bir dövlət” silinə bilər - Tarasov

Qərb İrəvanda buna imkan verməyəcək – Ekspert

Nikol Tavuşda izah etdi: Bakı 4 kəndi istəyir, biz isə...

Stoltenberqin Bakı səfərinə Rusiyadan baxış

Bakı və İrəvan üçün sülh çox vacibdir - Video

Azərbaycan çox əhəmiyyətli ölkədir - Stoltenberq

Bu gün İlaxır çərşənbə qeyd olunur

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla