Suriyada ən güclü qruplaşmalardan olan Əhrar əş-Şam Vadi Dayf bölgəsini ələ keçirməsinin əməliyyat çəkilişlərini yayıb. Kadrlarda əməliyyatların sonunda xalqın onları sevinclə qarşılaması nümayiş etdirilib.

Axar.az xəbər verir ki, Yutub sosial şəbəkəsində ən çox baxılan bu videoda əməliyyatın detalları açıqlanıb. Görüntülər "bu torpaqlar atamındır və üç ildir gələ bilmirəm" deyən döyüşçünün sözləri ilə başlayır. Digər döyüşçü isə "Allaha həmd olsun ki, torpaqlarımıza döndük" söyləyir. Başqa bir kadrda isə yaşlı bir kişi sevincdən ağladığını qeyd edir.

Sonra Maarratun Numan ərazisində biri Əhrar əş-Şam iştirakçılarına səslənir: "Ey qəhrəmanlar, ey cəsurlar, ey igidlər, Allahın yolunda yürüyün. Allah sizin yardımçınızdır", - deyir. Videodan görünür ki, döyüşçülər Əsəd ordusuna aid xeyli sayda silah-sursat əldə edir.