Krımın keçmiş baş nazirinin müavini, hazırda Tatarıstanın Qazaxıstandakı rəsmi nümayəndəsi Rüstəm Temirqalıyev Ukraynanın "Oşad Bank"ının qızıllarını ələ keçirməkdə günahlandırılır.

Axar.az xəbər verir ki, bu açıqlama ilə Federal Təhlükəsizlik Xidmətinin Krım şöbəsinin rəhbəri Viktor Palaqin çıxış edib.

O, hazırda Temirqalıyevə açılan cinayət işinin FSB tərəfindən araşdırıldığını bildirib:

"Hazırda Temirqalıyevin 300 kiloqram qızıl ələ keçirməsi məsələsi araşdırılır. Onunla bərabər FSB Nazirlər Kabinetinin sədrinin məsləhətçisi Vasilçenkoya qarşı da cinayət işi açılıb".

Rüstəm Temirqalıyevin atası İlmir Temirqalıyev 2014-cü ilə qədər Krım tatarlarına rəhbərlik edib. Keçən ilin martında ata Temirqalıyev Tatarıstanın Krımdakı daimi nümayəndəsi vəzifəsinə təyin edilib.

Temirqalıyev Rusiya Krımı anneksiya edən zaman Krım tatarlarının əleyhinə olaraq Moskvanı dəstəkləyən əsas şəxslər sırasında öncül yerlərdən birini tutmuşdu.