"Yanukoviç məhz ABŞ-ın aktiv dəstəyi sayəsində hakimiyyətdən uzaqlaşdırılıb".

Axar.az xəbər verir ki, bu sözləri Rusiyanın BMT-dəki daimi nümayəndəsi Vitali Çurkin həmkarı Samanta Pauerin Moskvanın Ukrayna böhranını yaratmasıyla bağlı səsləndirdiyi ittihamlara qarşı cavab olaraq deyib.

O, Ukraynanın eks-prezidenti Viktor Yanukoviçin məhz ABŞ-ın dəstəyi ilə devrildiyini bildirib və əlavə edib: "Məgər qanuni prezidenti biz devirmişik?"

Daha sonra Minsk danışıqlarına toxunan Çurkin ATƏT-in Debaltsevoda da işləməsinin gərəkdiyini və bunun üçün təhlükəsizlik şəraitinin yaradılmalı olduğunu deyib.