İran İslam İnqilabı Keşikçiləri Korpusunun Qüds briqadasının komandanı general Qasım Süleymaninin sui-qəsd planını hazırlayan amerikalı öldürülüb.

Axar.az Publika.az-a istinadla xəbər verir ki, Mərkəzi Kəşfiyyat İdarəsinin əməkdaşı olan Maykl Dandrea adlı şəxsin ötən gün Əfqanıstanda qəzaya uğrayan ABŞ təyyarəsində olduğu iddia edilir.

Qeyd edək ki, "Qaranlıq şahzadəsi" ("Dark Prince") Maykl Dandrea Əl-Qaidə terror təşkilatının lideri Üsamə bin Ladenin də sui-qəsdini hazırlayan şəxs olub.

ABŞ-ın ən əhəmiyyətli casuslarından biri olan Dandrea 1979-cu ildə MKİ-yə qatılıb. Dandrea İrandakı əməliyyatlarından sonra "Ayətullah Mayk" ləqəbi ilə tanınır.

Xatırladaq ki, İran İran İslam İnqilabı Keşikçiləri Korpusunun Qüds briqadasının komandanı general Qasım Süleymani 3 yanvarda Bağdad hava limanında sui-qəsdə qurban gedib.

ABŞ ötən gün Əfqanıstanda qəzaya uğrayan təyyarənin ona məxsus olduğunu bildirsə də, təfərrüatı açıqlamayıb.