Böyük Britaniya və Avropa İttifaqı (Aİ) arasında danışıqlar martın 3-də başlayacaq.

Axar.az xəbər verir ki, Aİ-nın Breksit danışıqları üzrə müşaviri Mişel Barniyer və Boris Consonun Breksit məsləhətçisi Devid Frostun rəhbərlik etdiyi rəsmilər danışıqları 10 ay müddətində davam etdirəcəklər.

Böyük Britaniya yanvarın 31-də - referendumdan təxminən dörd il sonra Aİ-ni tərk etməlidir. Baş nazir keçid dövrünü 2020-ci dekabrın 31-dən sonra uzatmayacağını söyləmişdi. Bu müddət ərzində Böyük Britaniya vahid bazarda və gömrük ittifaqında qalacaq.