Serj Sərkisyana artıq Türkiyə-Ermənistan protokolları gərək deyil.

Axar.az xəbər verir ki, bu açıqlama ilə erməni hüquq müdafiəçisi Vardan Arutunyan çıxış edib.

O bu protokolların yalnız siyasi elitaya xidmət elədiyini bildirib:

"Türkiyə-Ermənistan protokolları meydana çıxan zaman İrəvan çox zəif idi. Bu, 2008-ci ildən sonra oldu. Həmin vədə Serj Sərkisyan insanlara atəş açaraq onları qətlə yetirməyin hesabına hakimiyyətə gəldi. O zaman indiki prezident ölkənin daxili ilə xaricində heç bir dəstəyə sahib deyildi. Bunun vasitəsilə Ermənistan hökuməti özünün legitimliyinə nail oldu. Onlar üçün həmin protokolların heç bir əhəmiyyəti yoxdur. Səbəb çox sadədir. Artıq Sərkisyan xeyli güclənib. Bu protokollar erməni-türk dostluğuna yox, siyasi elitaya xidmət etməli idi".