ABŞ Gürcüstana güclü müdafiə silahları verməyə hazır idi.

Axar.az xəbər verir ki, bu açıqlama ilə Gürcüstanın eks-prezidenti Mixail Saakaşvili çıxış edib.

O, Gürcüstanın hazırkı hakimiyyətinin bu silahları alması üçün heç bir şey etmədiyini bildirib:

"2012-ci ilin yanvarında uzun sürən dialoqlardan sonra mən Obamayla Tiflisə silahların verilməsi ilə bağlı razılıq əldə edə bildim. Razılaşmamız belə idi ki, Amerika bizə hava hücumundan müdafiə, gəmi əleyhinə, tank əleyhinə və sairə silahlar verəcək. Bundan sonra isə Gürcüstana amerikalı mütəxəssislər gəlməli və ölkənin nə qədər silaha ehtiyacı olduğunu öyrənməli idilər. Lakin seçkilər oldu və yeni hakimiyyət də bu istiqamətdə heç bir addım atmadı".