"İnqilab mücahidlərinin əlində ABŞ-ın İŞİD-ə silah göndərməsini sübut edən şəkillər var".

Axar.az xəbər verir ki, bu açıqlama ilə İranın Ali dini lideri Ayətullah Xameneyi çıxış edib. O, Qərbin sanksiya silahından maksimum istifadə etdiyini bildirib:

"Ciddi iş görülməlidir və biz sanksiyalar qarşısında müqavimət göstərə, düşmənin məqsədlərini puça çıxara bilərik. Əgər etməsək, onlar bizim nüvə proqramımız qarşısında şərt qoyacaq və sanksiyalar tətbiq edəcəklər. Qərb sanksiya silahından maksimum istifadə edir. Məqsədləri isə xalqın inkişafını dayandırmaqdır. Mən bu qənaətdəyəm ki, əgər nüvə işi onların diktə etdikləri kimi getsə belə, yenə də sanksiyalar ləğv edilməyəcək. Çünki Qərb inqilabın özü ilə müxalifdir. İŞİD əleyhinə təşkil etdikləri ikiüzlü koalisiyada İran Xarici İşlər nazirliyinə bir məktub ünvanlayıblar ki, biz terrorçuları himayə etmirik. Amma inqilab mücahidlərinin əlində ABŞ-ın İŞİD-ə silah göndərməsini sübut edən şəkillər var".