Hizbullah lideri Seyid Həsən Nəsrullah Suriyadan sonra ilk dəfə İraq torpaqlarında da onlara aid döyüşçülərin olduğunu açıqlayıb.

Axar.az xəbər verir ki, Hizbullah lideri bunu İsrailin Suriyaya təşkil etdiyi hava hücumunda həlak olan 6 Hizbullah döyüşçüsü üçün təşkil edilən mərasimdə çıxış edərkən deyib.

Nəsrullah bu barədə ilk dəfə danışdığını da vurğulayıb:

"İraqda İŞİD-lə döyüşən məhdud sayda döyüşçümüz var. İndiyə qədər İraq mövzusunda danışmamışdıq, amma hazırda İraqdakı həssas mərhələdən ötrü bu ölkədə də aktiv vəziyyətdəyik".

Qeyd edək ki, Suriya hökumətinə İran və Rusiyadan sonra ən böyük hərbi dəstəyi Hizbullah terror təşkilatı verir.