Böyük Britaniyanın baş naziri Devid Kemeron bəyan edib ki, Avropa Rusiyanın Ukraynaya müdaxiləsinə göz yuma bilməz.

"Musavat.com"un məlumatına görə, Kemeron Putini çox ciddi sanksiyalarla hədələyib – elə sanksiyalarla ki, "Rusiya iqtisadiyyatı onların təsirindən uzun illər özünə gələ bilməyəcək".

Bununla yanaşı, baş nazir Britaniya biznesini Qərbin Rusiyaya iqtisadi təzyiqlərindən dolayı yaranan çətinliklərə anlaşıqla yanaşmağa və dözümlülük göstərməyə çağırıb.

"Avropada bir çox hökumətlər Ukraynadakı konfliktin həllinə görə məsuliyyəti başqalarının üzərinə qoymaq istərdilər. Ancaq bu, dəhşətli səhv olardı. Ona görə də Böyük Britaniya Rusiyanın yolverilməz hərəkətinə qarşı tədbirlərə qatılıb. Və sanksiyalardan dolayı çətinliklərlə barışmalı oluruq" – deyib baş nazir.