Türkiyə və Birləşmiş Krallıq arasında əlaqələr Breksitdən sonra qarşılıqlı mənafe ilə yanaşı, regional və qlobal sabitliyin qorunması baxımından da önəmli olacaq.

Axar.az xəbər verir ki, bu barədə Türkiyə Xarici İşlər Nazirliyinin bəyanatında deyilib.

“Türkiyə Avropa İttifaqı (Aİ) ilə bağlı üzvlük prosesimizə dəstək verən, ölkəmizin regional və qlobal səviyyədə oynayacağı rolun Aİ üçün dəyərini anlayan Birləşmiş Krallığın bu qərarını təqdirlə qarşılayır”, - deyə açıqlamada bildirilib.

Qeyd edək ki, yanvarın 31-də Böyük Britaniya və Şimali İrlandiya Birləşmiş Krallığının Avropa İttifaqının (Aİ) üzvlüyündən çıxması (Breksit) rəsmiləşib və Birləşmiş Krallığın Aİ-dən çıxması ilə əlaqədar “keçid dövrü” başlayıb.