19:20

ABŞ Prezidenti Donald Trampın “Əsrin müqaviləsi” planını rədd edirəm. Tarixdə Qüdsü satan və ya Qüdsdən imtina edən biri olaraq yer almayacağam.

Axar.az xəbər verir ki, bunu Misirdə keçirilən Ərəb Birliyinin fövqəladə iclasına qatılan Fələstin Prezidenti Mahmud Abbas deyib.

ABŞ-ın artıq Fələstin üçün dost ölkə olmadığını bildirən Mahmud Abbas Donald Trampla da görüşü rədd etdiyini söyləyib.

Qeyd edək ki, ABŞ Prezidenti Donald Tramp İsrail-Fələstin münaqişəsi ilə bağlı "Əsrin müqaviləsi" planını təklif edib.

***

Ərəb Birliyi ABŞ Prezidenti Donald Trampın “Əsrin müqaviləsi” planını qəbul etməyib.

Məlumata görə, birliyin Misirin paytaxtı Qahirədə keçirdiyi fövqəladə iclasında Trampın planının rədd edildiyi və nəzərə alınmayacağı bildirilib.