Qazaxıstan hökuməti Ermənistan vətəndaşının koronavirusun yayıldığı Çinin Uhan şəhərindən təxliyə olunmasına yardım edib.

Axar.az xəbər verir ki, bunu Ermənistan Xarici İşlər Nazirliyinin mətbuat katibi Anna Nağdalyan deyib.

“Qazaxıstanlı tərəfdaşlarımızla olan əməkdaşlıq çərçivəsində Ermənistan vətəndaşı Suzanna Ağacanyan Uhan şəhərindən Qazaxıstana gətirilib. Ermənistan səfirliyi vətəndaşımızla daimi əlaqədədir və ölkəyə qayıtması üçün bütün tədbirləri görür”, - Nağdalyan bildirib.

O, Ermənistanın xahişinə operativ cavab verdiyi və yardım göstərdiyi üçün Qazaxıstana təşəkkür edib.