Qazaxıstanda səfərdə olan ABŞ Dövlət katibi Mayk Pompeo Nus-Sultanda bu ölkə Prezidenti Qasım-Jomart Tokayevlə görüşüb.

Axar.az xəbər verir ki, bu barədə Qazaxıstan prezidentinin mətbuat xidməti məlumat yayıb.

“Ölkələrimiz arasında nüvə silahının yayılmaması, beynəlxalq terrorizmlə mübarizə və iqtisadi əməkdaşlıq da daxil olmaqla bir çox sahələrdə çox sıx əlaqələr mövcuddur. Bununla birlikdə, əməkdaşlığımızı daha da genişləndirmək üçün istifadə edilə biləcək yaxşı potensialımızın da olduğuna inanıram”, - Tokayev bildirib.

Tokayev ABŞ prezidentinə ən xoş arzularını çatdırıb və dünyanın hər yerində onunla görüşə ümid etdiyini bildirib. O, Qazaxıstanın görüş üçün ən yaxşı seçim olduğunu deyib.