Türkiyənin Milli Kəşfiyyat İdarəsi (MİT) hüquq mühafizə orqanlarına İŞİD təhlükəsi ilə bağlı xəbərdarlıq edib.

Axar.az xəbər verir ki, xəbərdarlıqda Kobanidən çıxan terror təşkilatının bəzi döyüşçülərin Türkiyəyə keçdiyi bildirilib. Təşkilatın əsas hədəfində isə diplomatik nümayəndəliklərin olduğu, Ankara və İstanbuldakı xarici ölkələrin səfirliklərinə və konsulluq şöbələrinə bombalı hücum təşkil edə biləcəkləri açıqlanıb.

Məlumatda Türkiyəyə keçən terrorçuların bir qisminin Bolqarıstan vasitəsilə AB ölkələrinə getdiyi və İŞİD-ə qarşı qurulan koalisiya qüvvələrinin diplomatik nümayəndəliklərinə hücum etməyi planlaşdırdıqları bildirilib.