Türkiyədə əhali sayı 1.151.115 nəfər artaraq, 83.154.997 nəfərə çatıb.

Axar.az xəbər verir ki, bu məlumatı Türkiyə Statistika Qurumu yayıb. Məlumata görə, ölkədə kişilərin 41.721.136 nəfər, qadınların isə 41.433.861 nəfər təşkil etdiyi bildirilib. Faiz göstəricisinə görə kişilər əhalinin 50,2%-ni, qadınlar isə 49,8%-ni təşkil edib.

Yeni statistikaya əsasən, İstanbul əhalisi 451.543 nəfər artaraq 15.519.267 nəfərə çatıb. Nəticədə İstanbulda Türkiyə əhalisinin 18,66%-nin yaşadığı bəlli olub. Əhali sayına görə İstanbuldan sonrakı yerdə Ankara, İzmir, Bursa, Antalya qərarlaşıb.

Qeyd edək ki, yeni statitikada əhali sayına ölkədə olan suriyalı qaçqınların sayı daxil edilməyib. Belə ki, ölkədəki suriyalıların sayı 3.571.175 nəfərdir.