Torontodan Yamaykaya uçan Kanada sərnişin təyyarəsi sərnişinlərdən birinin koronavirus zarafatına görə hava limanına geri qayıtmaq məcburiyyətində qalıb.

Axar.az xəbər verir ki, bu barədə CBC telekanalı məlumat yayıb.

Məlumata görə, təyyarə havada olarkən sərnişinlərdən biri birdən ayağa qalxıb və bir müddət öncə koronavirisun yayıldığı Çində olduğunu deyib.

Heyət üzvləri bu barədə təyyarənin komandirinə məlumat veriblər. Komandirin qərarından sonra təyyarə Toronto aeroportuna geri qayıdıb.

Enişdən dərhal sonra zarafatı edən 29 yaşlı şəxs həbs edilib.

Qeyd edək ki, təyyarədə 243 sərnişin olub.