ABŞ, İsrail və Birləşmiş Ərəb Əmirlikləri (BƏƏ) nümayəndələri İrana qarşı əməkdaşlığın yaradılması yönündə ötən ilin dekabrında Ağ Evdə gizli şəkildə toplanıblar.

Axar.az xəbər verir ki, bu iddia ilə “Axios” nəşri çıxış edib.

İddia edilir ki, 17 dekabr görüşü həmçinin Tramp administrasiyanın İsrail və BƏƏ ilə əməkdaşlığı gücləndirmək üçün atdığı addımlardan biri olub.

Trampın kürəkəni və müşaviri Cared Kuşnerin bu toplantının baş tutmasında böyük rolu olub.

Toplantında İrana qarşı gizli ittifaqın qurulması ilə yanaşı, BƏƏ və İsrail diplomatlarının bir-birlərinə hücum etməmək barədə pakta imza atdığı deyilib.