İran Qərbin bütün şərtlərini qəbul etsə də, ona qarşı tətbiq edilmiş iqtisadi sanksiyalar aradan qalxmayacaq.

Bu fikri İran İslam İnqilabının Ali rəhbəri Ayətullah Əli Xamneyi İranın Şərqi Azərbaycan vilayəti ictimaiyyətinin nümayəndələri ilə görüşündə deyib.

Xamneyi bildirib ki, sanksiyalar İranın inkişafının qarşısını almaq üçün tətbiq edilib. İran böyük neft və qaz ehtiyatlarına malik ölkədir. Qərb ölkələrinin isə neft və qaza böyük ehtiyacı var. Ona görə də İran Qərbə qarşı sanksiya tətbiq edə bilər.

Neftin dünya bazarlarında ucuzlaşmasından və bunun İran iqtisadiyyatına təsirindən danışan Xamneyi deyib ki, ölkə iqtisadiyyatı şaxələnməlidir və dövlət büdcəsi yalnız neft gəlirlərinin deyil, yerli istehsalın və ixrac potensialının artırılması hesabına doldurulmalıdır.