Türkiyənin Suriyada terrorla mübarizə fəaliyyətini Rusiya ilə koordinasiya etməsi lazımdır.

Axar.az xəbər verir ki, bu açıqlama ilə rusiyalı millət vəkili Yuri Şvıtkin çıxış edib.

Türkiyə ordusu ilə Suriya rejiminin hərbçiləri arasındakı toqquşmadan danışan Şvıtkin koordinasiyasız heç bir hadisənin qəbul edilə bilməyəcəyini və bunun faciəvi nəticələri olacağını vurğulayıb.

Qeyd edək ki, Suriyanın İdlib şəhərində rejim ordusunun türk həbçilərinə hücumu nəticəsində 4 əsgər şəhid olub, 9-u yaralanıb. Türk ordusunun qarşılıq verməsi nəticəsində isə 76 rejim əsgəri məhv edilib.