ABŞ Prezidenti Donald Trampın impiçment prosesi amerikalıların siyasi görüşlərinə təsir etməyib. Ölkə artıq qütbləşib.

Axar.az xəbər verir ki, bu sözləri Brukinqs İnstitutunun eksperti Reşon Rey deyib.

“İmpiçment insanlara təsir etməyib. Ölkəmiz o qədər qütbləşib ki, impiçment heç bir halda təsir göstərməyib. Xalq artıq öz düşüncələrini formalaşdırıb. Belə ki, demokratlar Senatda səsverməyə qədər Trampı ittiham edirdilərsə, respublikaçılar bu məsələni mübahisələndirirdilər”, - deyə Rey bildirib.

Qeyd edək ki, bir neçə gün əvvəl ABŞ Senatında Prezident Donald Trampın impiçmenti ilə bağlı dinləmələrə başlanılıb.

Tramp vəzifə səlahiyyətlərindən sui-istifadədə və Konqresin fəaliyyətinə mane olmaqda ittiham edilir.