BMT-nin dəhlizlərində Rusiyanın Təhlükəsizlik Şurasının daimi üzvlüyündən uzaqlaşdırılması imkanları müzakirə edilir.

Axar.az xəbər verir ki, bu açıqlama ilə Ukraynanın BMT-dəki daimi nümayəndəsi Yuri Sergeyev çıxış edib.

O, Rusiyanın səsvermə hüququnun əlindən alına biləcəyini deyib:

"Onun daha çox 1991-ci ildə BMT-nin üzvlüyünə qəbul edilməsi, daimi üzvlük haqqında status verilməsi hazırda ən çox müzakirə edilən məslələrdəndir. Təəssüf ki, bu məsələ hələ də sərt şəkildə ortaya qoyulmur. Rusiya BMT və Təhlükəsizlik Şurasında sərgilədiyi mövqe ilə Minsk razılığının şərtlərini pozur. Əgər Rusiya bu razılığın şərtlərini pozmağa davam etsə, o zaman BMT 27-ci maddəsinə əsasən, onun səsvermə hüququ əlindən alına bilər. Hazırda BMT-də heç kim Rusiyanı ciddi qəbul etmir. Onlar Moskvanın imzaladığı sənədlərin yalnız kağız üzərində qalacağını hesab edirlər".

Qeyd edək ki, hazırda BMT-nin Təhlükəsizlik Şurasının 5 daimi üzvü var. Bunlar ABŞ, Çin, Rusiya, Böyük Britaniya və Fransadır. 1991-ci ilə qədər bu siyahıda SSRİ olub.