Ana səhifə Planet |
Rusiya və Hindistan 5-ci nəsil qırıcıların yaradılması ilə bağlı razılığa gəlib.
Axar.az xəbər verir ki, bu barədə "Gazeta.ru"ya Hindistanın Banqalor şəhərində danışıqlar aparan Rusiya Müdafiə-Sənaye Kompleksinin nümayəndəsi məlumat verib.
Nümayəndə bildirib ki, Hindistan Hərbi Hava Qüvvələri üçün yığılacaq "Fifth Generation Fighter Aircraft" təyyarəsi Rusiyanın T-50 qırıcısının ixrac modifikasiyası olacaq.
"Rusiyada uçan təyyarə (T-50) rus Hərbi Hava Qüvvələrinin sifarişi əsasında işlənilib. Amma Hindistanın sifarişi ruslardan fərqlənir. Buna görə də, təyyarə praktiki olaraq sıfırdan yığılacaq. Düzdür, əsasən T-50-nin üzərində qurulacaq, amma hind qırıcısı tamam başqa olacaq", - nümayəndə deyib.
Onun sözlərinə görə, təyyarənin görünüşü hələ müəyyənləşməyib. Bundan başqa, Hindistanla təyyarənin Rusiyanın "Yaxont" raketləri əsasında yaradılmış səsdən sürətli "BraMos"larla təchiz olunmasını müzakirə edilir. Layihələşdirmədən sonra qırıcının Hindistanda yığılması planlaşdırılır.
Tarix
2015.02.20 / 12:18
|
Müəllif
Anar Əhmədov
|