Hindistanın Trissur şəhərində 18 ailə hökumətə içməli suyun verilməsi ilə bağlı şikayət ünvanlayıb.

Axar.az xəbər verir ki, sakinlər əvvəlcə evlərində alkoqol qoxusu hiss etdiklərini, növbəti gün isə krantı açdıqları zaman su ilə likörün qarışığının axdığını deyiblər.

Araşdırmalardan sonra məlum olub ki, 6 il əvvəl binanın yaxınlığında bar fəaliyyət göstərib. Daha sonra həmin barı bağlayıb, spirtli içkilərini də müsadirə ediblər.

Ötən həftə məmurlar spirtli içkilərin utilizasiyası barədə icazə alıblar və barın yanında basdırmağa qərar veriblər. Nəticədə 6 ton spirtli içki su təchizatı sisteminə axıb və su ilə qarışıb.