19:25

Tatarıstanın Laişev rayonunda “Bell” markalı şəxsi helikopter qəzaya uğrayıb.

Axar.az xəbər verir ki, bu barədə RİA məlumat yayıb.

Helikopterin Kuybişev su anbarı yaxınlığında yerə çırpıldığı deyilib.

İlkin məlumata görə, göyərtədə olan 3 nəfərdən 1-i sağdır, digər 2 nəfərin taleyindən xəbər yoxdur.

Xilasedicilər hadisə yerinə yollanıblar.

***

Rusiya Dövlət Dumasının deputatı, milyonçu Ayrat Xayrullinin həmin helikopterin göyərtəsində olduğu və qəza nəticəsində öldüyü bildirilib.

Bu barədə "Kommersant" nəşri məlumat yayıb.

***

Rusiya Fövqəladə Hallar İdarəsi qəzada deputatın öldüyünü təsdiqləyib.

Göyərtədəki digər 2 nəfərin isə sağ qaldığı bildirilib.