Dünyanın ən böyük video platforması Yutubun yalnız uşaqlar üçün nəzərdə tutulmuş xüsusi distributoru Yutub Kidzi yayıma hazırlayır.

Axar.az xəbər verir ki, Yutubun bir müddətdir üzərində işlədiyi uşaqlara özəl video platforması bazar ertəsi yayıma çıxacaq.

Bütün dünyada eyni vaxtda istifadəçilərə təqdim ediləcək video platforma vasitəsilə uşaqlar özlərinə uyğun videolara baxa biləcəklər. Ancaq daha da əhəmiyyətlisi valideynlər uşaqlara rahat-rahat Yutub Kidz saytına baxmağa icazə verəcəklər, çünki sayt içində uşaqlara zidd heç bir video olmayacaq.

Yutub platformasından fərqli olaraq, Yutub Kidzdə valideynlər videolara müddət məhdudluğu qoyaraq uşaqların 1 saatdan artıq video izləməsinin qarşısını ala biləcəklər.