Küveyt parlamentinin sədri Mərzuq Əli əl-Qanim İsrail-Fələstin münaqişəsinin həlli üçün ABŞ-ın təqdim etdiyi “Əsrin müqaviləsi” planının "ölü doğulduğunu" bildirərək, sənədi zibil qutusuna atıb.

Axar.az xəbər verir ki, bu barədə məlumatı Sputnik yayıb.

Məlumata görə, parlament sədri Fələstin dövlətində sülhün təmin edilməsi üçün ədalətli dialoq aparılmasını təklif edib:

“Bu plan "ölü"dür. Min hökumət də gəlsə, sövdələşmə edə bilmərik. Problemi sülh yolu ilə həll etmək istəyənlər Fələstin torpaqlarında ədalətli danışıq mühiti yaratmalıdır. Ərəb və müsəlman xalqlarının adından "Əsrin müqaviləsi" adlandırılan bu sənəd və kağızların yeri isə tarixin zibilliyidir".