ABŞ Dövlət Departamenti Ukraynanın şərqində Rusiyanın dəstəklədiyi separatçıların iştirakı ilə davam edən hərbi əməliyyatlardan narahatdır.

Musavat. com xəbər verir ki, bu barədə Departamentin nümayəndəsi Cen Psaki bildirib.

Onun sözlərinə görə, Kreml Minsk anlaşmasını pozacağı təqdirdə "əlavə bədəl" ödəyəcək. Psaki qeyd edib ki, Amerika Ukraynadakı vəziyyəti müntəzəm müzakirə edir və Rusiyaya bütöv dəst təsir imkanlarına malikdir.

Departament rəsmisinin bəyanatı Rusiya prezidenti Putinin hədələyici bəyanatı ilə eyni günə təsadüf edir. Kreml başçısı bildirib ki, "heç kəsdə illüziya olmamalıdır ki, Rusiyaya hansısa təzyiq göstərmək və onun üzərində hərbi qələbə qazanmaq olar".