Ermənistan pasportlarını daşıyan, amma Cavaxetiyada qeydiyyatda olan ermənilərə Gürcüstanda yaşamağa icazə verilib.

Axar.az xəbər verir ki, bu informasiyanı Gürcüstanın Ədliyyə Nazirliyi yayıb. Məlumatda hələlik 584 erməniyə bu icazənin verildiyi bildirilib.

Qeyd edək ki, bundan öncə 5 min Cavaxetiya ermənisinin Ermənistan vətəndaşlığını alıb, Gürcüstanda yaşadığı bəlli olmuşdu. Onların bu addımı atmasına əsas səbəb isə Ermənistandan Rusiyaya getmək imkanlarının çox olması göstərilmişdi. Erməni mətbuatı isə öz növbəsində bu hadisəni Tiflisin erməniləri kütləvi şəkildə Gürcüstan vətəndaşlığından məhrum etməsi kimi qiymətləndirmişdi.