ABŞ İraqdan hərbi hissələrini çıxarmağa başlayıb.

Axar.az xəbər verir ki, bu məlumatı “Skay Nyus Arabia” kanalına İraq parlamentinin Müdafiə və Təhlükəszilik Komitəsinin üzvü Əli Qənimi deyib. O, ABŞ-ın öz qoşunlarını İraqdakı 15 bazadan çıxarmağa başladığını bildirib:

“ABŞ İraqı tərk etməyə başlayıb. Amerika qoşunları de-fakto 15 bazadan çıxır. Amerikalılar öz mövcudluqlarını iki böyük baza ilə məhdudlaşdırırlar. Bu bazalardan biri Ərbilin şimalında, digəri isə Eyn əl-Əsəddə yerləşir. İraq parlamenti və xalqı bütün bazalardan ABŞ qoşunlarının çıxarılmasında israr edir”.