Kökündən qopmuş ağaclar, əzik-üzük olmuş avtomobillər, çevrilmiş zibil konteynerləri və çilik-çilik olmuş pəncərə şüşələri.

Axar.az xəbər verir ki, Belçikanın və Niderlandın bir hissəsinin üzərindən keçmiş "Kiara" qasırğası həmin ərazilərdə belə dağıntılara səbəb olub.

Təkcə Zaventem hava limanında 58 aviareys ləğv edilib. Başqa aeroportlarda da uçuşlar təxirə salınıb. Bütün Belçika ərazisində açıq səma altında keçirilən idman tədbirləri ləğv edilib. Bəzi qatarların hərəkət cədvəlində ləngimələr var.