Koronavirus 2003-cü ildən bu yana neftin qiymətinə ən güclü təsir göstərən epidemioloji situasiya olub.

Axar.az xəbər verir ki, bu məlumat Rusiya Mərkəzi Bankının aylıq hesabatında yer alıb. Məlumata görə, koronavirus bununla donuz qripinin neft qiymətlərinə 2009-cu ildəki təsirini üstələmiş olub. Belə ki, koronavirusa görə neft qiymətlərində ən böyük geriləmə 17% olub.

Qeyd edək ki, 2003-cü ildə SARS xəstəliyi ucbatından neft qiymətləri 31%, 2009-cu ildəki donuz qripi zamanı isə 15% ucuzlaşmışdı.

Koronavirusa görə neft qiymətlərində geriləmə hələ də davam edir. Çində müəssisələrin fəaliyyətini bərpa etməməsi, eləcə də ölkənin neftə tələbatının 20% azalması bu geriləmənin qarşısını almağa imkan vermir.