Rusiya Prezidenti Vladimir Putinə etibar edən rusiyalılar əhalinin 35%-ni təşkil edir.

Axar.az xəbər verir ki, bu nəticə “Levada Çentr” şirkətinin keçirdiyi sorğudan sonra ortaya çıxıb. Məlumata görə, son iki ildə Putinə etibar iki dəfəyə qədər azalıb. Belə ki, 2017-ci ilin dekabrında Putinə etibar 60% təşkil edib.

Şirkətin rəhbəri Lev Qudkov Putinin reytinqinin düşməsinin əhalinin prezidentdən yorulması ilə əlaqədar olduğunu bildirib:

“Onun sosial mövzuya aid olan yeni ritorikası qısa müddətli effekt verir. Reytinqin azalması çoxdan başlayıb və bunun səbəbi 2018-ci ilin təkcə təqaüd reformu ilə bağlı deyil. Narazılıq iqtisadi vəziyyətlə əlaqədar artır”.