Bu gündən etibarən İdlibdə olan əsgərlərimizə rejim tərəfindən hücum olarsa, Soçi razılaşmasında qeyd olunmayan ərazilərdə də rejimin əsgərlərini vuracağıq.

Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan keçirdiyi mətbuat konfransında deyib. O bildirib ki, hər kəs gözünü yumsa, vicdanını dondursa da, Türkiyə İdlibdə baş verənlərə səssiz qalmayacaq:

“İdlibdə Rusiyanın dəstək verdiyi Əsəd ordusu və İranın dəstək verdiyi güclər ardıcıl qətliyamlar törədir. Onlar terrorçuları deyil, mülki əhalini hədəfə alır. İnsan haqlarını əlində bayraq edənlər indi bu vəziyyətə səs çıxarmırlar. Amma biz nə olur-olsun, əsgərimizə və mülki əhaliyə qarşı edilən hücumlara daha ağır şəkildə cavab verəcəyik”.