Harvard və Yel universitetləri xaricilərdən aldığı qrantlar və sövdələşmələr nəticəsində əldə etdiyi milyardlarla dollar barədə rəsmi şəxslərə lazımi səviyyədə məlumat verməməkdə şübhəli bilinir.

Axar.az Teleqraf.com-a istinadla xəbər verir ki, iki ali məktəb barəsində Səudiyyə Ərəbistanı və Çin daxil olmaqla digər xarici ölkələrdən gizli vəsait əldə etmək şübhəsi ilə cinayət işi başladılıb.

ABŞ Təhsil İdarəsi 2019-cu ilin iyul ayından etibarən Qətər, Çin, Səudiyyə Ərəbistanı və Birləşmiş Ərəb Əmirliklərindən (BƏƏ) bu universitetlərin əvvəlcədən hesabatı olmayan 6,6 milyard dollar dəyərində gəlir əldə etdiyi barədə məlumat yayıb.

Harvard və Yel universitetləri hökumətə cavab verməyə hazırlaşdıqlarını açıqlayıblar.