İran və Çinin xarici işlər nazirləri Məhəmməd Cavad Zərif və Vanq Yi Münhendə nüvə razılaşması və koronavirus mövzularını müzakirə ediblər.

Axar.az xəbər verir ki, bu barədə İran Xarici İşlər Nazirliyinin açıqlamasında deyilir.

Bildirilir ki, Münhen Təhlükəsizlik Konfransı çərçivəsində keçirilən görüşdə İran və Çinin xarici işlər nazirləri həmçinin Birgə Hərtərəfli Fəaliyyət Planı, general Süleymaninin ölümü və Ukrayna təyyarəsi ilə bağlı fikir mübadiləsi aparıblar.

Məhəmməd Cavad Zərif çinli həmkarına virusun episentri olan Uhan şəhərindən iranlı tələbələrin evakuasiya edilməsində köməyə görə təşəkkür edib.