Rusiyada ölkə torpaqlarının xaricilərə satılması Konstitusiya ilə qadağan edilə bilər.

Axar.az xəbər verir ki, Rusiya Prezidenti Vladimir Putin Konstitusiyaya dəyişikliklərlə bağlı işçi qrupu ilə görüşündə sözügedən fikri dəstəkləyib. Belə ki, rusiyalı aktyor Vladimir Maşkov ölkə torpaqlarının xaricilərə satılmasının qadağan olunması barədə danışıb.

Putin isə Maşkovun sözlərinə cavab olaraq qeyd edib: "Bu fikir xoşuma gəlir. Gəlin hüquqşünaslara göstəriş verək, lazımi şəkildə bu təklifin dəyərləndirilməsini istəyək".