Hindistan Türkiyəni ölkənin daxili işlərinə müdaxilə etməməyə çağırıb.

Axar.az xəbər verir ki, bu məlumatı Hindistan Xarici İşlər Nazirliyi yayıb.

“Hindistan ayrılmaz hissəsi olan Cammu və Kəşmirə aid bütün iddiaları təkzib edir. Biz Türkiyə rəhbərliyini Hindistanın daxili işlərinə müdaxilə etməməyə çağırırıq”, - deyə o bildirib.

Qeyd edək ki, bundan öncə Pakistan parlamentində çıxışı zamanı Türkiyə Prezidenti Rəcəb Tayyib Ərdoğan Kəşmirlə bağlı mövqeyini bildirmiş, problemin beynəlxalq normalara uyğun həllinə tərəfdar olduğunu bəyan etmişdi.